Kvennastarf
Kvennanefnd Golfklúbbs Reykjavíkur er ávallt með eitthvað á prjónunum en þær sjá til þess að kvenkyns kylfingar klúbbsins hafi eitthvað fyrir stafni allt árið um kring. Starfið hefst á ári hverju með Púttmótaröð kvenna sem leikin er frá janúar og fram í mars og lýkur með skemmtikvöldi þar sem Púttmeistari GR kvenna er krýndur. Þegar golftímabilið hefst er svo leikin Sumarmótaröð GR kvenna sem lýkur í ágúst. Skipulagðar eru vor- og haustferðir, fræðslukvöld auk þess sem haldin eru golfmót sem ætluð eru konunum.
KVENNANEFND GR
Kvennanefnd GR árið 2026 er þannig skipuð:
Guðrún Íris Úlfarsdóttir
Aðalbjörg Ársælsdóttir
Sigurbjörg Ásta Jónsdóttir
Netfang kvennanefndar er grkvennanefnd@gmail.com
Við hvetjum allar konur sem vilja taka þátt í starfinu með okkur til að bæta sér í
facebook hópinn okkar – GR konur
Við tökum fagnandi á móti öllum konum sem vilja taka þátt í starfinu okkar, endilega sendið okkur e-mail ef þú hefur áhuga á að starfa í kvennanefndinni.
Fréttabréf GR kvenna
Hér má sjá fréttabréf GR kvenna – við mælum með að lesa þau og sjá allt það spennandi og skemmtilega starf sem GR konur bjóða upp á. Tölum nú ekki um ef fleiri vilja leggja fram krafta sína.
SUMARMÓTARÖÐ GR KVENNA
Sumarmótaröð GR kvenna 2026
Dagskrá sumarsins má sjá hér fyrir neðan:
Kvennanefnd GR
púttmótaröð GR KVENNA
Púttmótaröð GR kvenna 2026 – lokið
Í ár voru 215 konur skráðar í púttmótaröðina og eins og í fyrra var einnig keppt í liðakeppni, sem hefur nú fest sig vel í sessi sem hluti af mótinu.
Tíu efstu konurnar kepptu síðan til úrslita. Þar stóð Kristín Hassing uppi sem sigurvegari með frábæran lokahring á 26 höggum.
Í 2. sæti varð Ólöf Inga og í 3. sæti Ásta Óskarsdóttir. Þær fóru báðar á 29 höggum, og þurfti því að skoða síðustu sex holurnar til að skera úr um röðunina.
Eins og áður hafði verið tilkynnt sigruðu Stubbarnir liðakeppnina annað árið í röð – innilega til hamingju með það.
Svona mót og lokahóf væri ekki mögulegt án góðrar aðstoðar margra. Við viljum þakka Ecco á Íslandi fyrir stuðninginn, ásamt Nóa Síríus.
Kvennanefnd GR