TrackMan Range er byltingakennd radar mælingartækni í Básum sem veitir þér lykilupplýsingar fyrir hvert slegið högg. Þegar þú hefur slegið högg eru radarar úti á æfingasvæðinu sem mæla flug boltans á sjálfvirkan hátt. Nákvæm lengd bolta á flugi, hraði og ferill boltans mun birtast í rauntíma í því snjalltæki sem kylfingur er tengdur, tölfræðin birtist á á einfaldan og skýran hátt.

Radar mæling boltaflugs byggir á sömu tækni og notuð er í TrackMan Radar tækjum atvinnumanna og golfherma.

Í TrackMan Range er hægt að spila heimsfræga golfvelli, þar á meðal Grafarholtsvöll og Korpúlfsstaðavöll. Einnig hægt að spila ýmsa leiki sem henta kylfingum á öllum getustigum og stöðugar uppfærslur eru í gangi á leikjum.

Trackman skjáir eru staðsettir á öllum básum 1. hæðar og er hægt að tengjast kerfinu í gegnum eigið snjalltæki (síma eða iPad) á 2. hæð.

Þetta er frábær tækni sem gaman er að nýta við leik og þjálfun í golfíþróttinni.
Við vekjum athygli á því að notkun á TrackMan Range er valkvæð og geta kylfingar því áfram mætt til að æfa sveifluna í Básum án þess að tengjast kerfinu.

Með því að skanna QR kóðann hér fyrir neðan hægt að sækja Trackman appið