Eldri kylfingar

Eldri kylfingar klúbbsins eru iðnir við að halda golfiðkun sinni gangandi, sama hvað árstíðunum líður. Á undanförnum árum hefur öldunganefnd  haldið mótaraðir yfir sumartímann. Vetrarstarf er einnig öflugt hjá eldri kylfingum klúbbsins, margir mæta alla daga og pútta og er meðal annars haldið bingó einu sinni í mánuði.

Bingó
dagskrá

Bingó er liður í vetrarstarfi eldri kylfinga klúbbsins, 60 ára og eldri og verður það fyrsta á dagskrá haustið 2022 föstudaginn 23. september. 

Það eru ávallt flottir vinningar í boði og almennt vel mætt á þennan mánaðarlega viðburð eldri kylfinga.

Dagská bingónefndar lítur svona út fram að jólum:

  • 23. september
  • 14. október
  • 04. nóvember
  • 25. nóvember
  • 16. desember

Við hvetjum alla félagsmenn sem hafa náð 60 ára aldri til að mæta og taka þátt í viðburðum haustsins!

Innanfélags-
mót 70 ára
og eldri

Árið 2022 verður leikið í Innanfélagsmóti öldunga GR 70 ára og eldri, alls eru leiknar fimm umferðir og telja þrír bestu hringirnir til úrslita. Keppt er í Stableford punktakeppni og leika allir keppendur af rauðum teigum. Hvert mót er 9 holur og fara allar umferðir fram 9 holum Korpunnar.

Leikið verður á eftirfarandi dagsetningum:

25. maí Áin   ræst út frá 08:30-11:00
15. júní  Landið  ræst út frá 08:30-11:00
15. júlí Sjórinn    ræst út frá 08:30-11:00
10. ágúst     Landið  ræst út frá 08:30-11:00
24. ágúst  Áin  ræst út frá 08:30-11:00

Skráning fer fram á Golfbox og í golfverslun á Korpu, mótsgjald er kr. 1.000 sem greitt er hjá mótstjóra, Karli Jóhannssyni eða Kristjáni Jóhannssyni gjaldkera, þegar mætt er til leiks.

Hver umferð verður auglýst sérstaklega á vef félagsins viku fyrir mót.  

Fréttir úr starfi eldri kylfinga