Háttvísisbikarinn er gjöf frá GSÍ í tilefni af 70 ára afmæli GR og er hann veittur ár hvert þeim kylfingi undir 18 ára aldri sem endurspeglar hvað mest þá eiginleika sem GR-ingar vilja sjá í afreksunglingum sínum. Sá einstaklingur sem hlýtur háttvísibikarinn þarf að hafa mikinn íþróttaanda, gefast aldrei upp, sýna miklar framfarir, vera sér og klúbbnum til mikils sóma bæði innan vallar sem utan og umfram allt vera fyrirmynd fyrir aðra í kringum sig.

Ásdís Rafnar Steingrímsdóttir hlýtur viðurkenninguna fyrir árið 2024. Ásdís er Íslandsmeistari 15-16 ára stúlkna í holukeppni og tók miklum framförum á golfvellinum í sumar. Hún er mikil og sterk fyrirmynd fyrir aðra iðkendur – samviskusöm, metnaðarfull og dugleg við æfingar ásamt því að vera einstaklega yfirveguð innan vallar sem utan.

Þeir sem hafa áður fengið útnefninguna eru eftirfarandi kylfingar:

2004 Þórður Rafn Gissurarson
2005 Hanna Lilja Sigurðardóttir
2006 Guðni Fannar Carrico
2007 Ólafía Þórunn Kristinsdóttir
2008 Ólafía Þórunn Kristinsdóttir
2009 Andri Þór Björnsson
2010 Guðmundur Ágúst Kristjánsson
2011 Sunna Víðisdóttir
2012 Ragnhildur Kristinsdóttir
2013 Saga Traustadóttir
2014 Ingvar Andri Magnússon
2015 Gerður Hrönn Ragnarsdóttir
2016 Dagbjartur Sigurbrandsson
2017 Böðvar Bragi Pálsson
2018 Elvar Már Kristinsson
2019 Jóhanna Lea Lúðvíksdóttir
2020 Tómas Eiríksson Hjaltested
2021 Helga Signý Pálsdóttir
2022 Perla Sól Sigurbrandsdóttir
2023 Perla Sól Sigurbrandsdóttir
2024 Ásdís Rafnar Steingrímsdóttir

Golfklúbbur Reykjavíkur óskar Ásdísi og fjölskyldu hennar til hamingju með Háttvísibikarinn 2024.