Opnað hefur verið fyrir skráningar í barna- og unglingastarf klúbbsins fyrir árið 2022. Gengið er frá skráningu og greiðslu í gegnum Sportabler og er hægt að nýta frístundastyrk sveitafélaganna til greiðslu. Slóð á skráningarsíðu er hér Golfklúbbur Reykjavíkur | Vefverslun (sportabler.com)
Hægt er að velja á milli mismunandi æfingaleiða og eru æfingagjöld 2022 þessi:
| Heilsársæfingar | jan-des | kr. 60.000 |
| Vetraraðild 1 | jan-maí | kr. 30.000 |
| Hálfsársæfingar | jún-des | kr. 35.000 |
| Sumaræfingar | jún-sept | kr. 25.000 |
| Vetraraðild 2 | okt-des | kr. 20.000 |
Hægt er að skoða hvað innifalið er í þeim æfingaleiðum sem í boði eru hér
Barna- og unglingastarf klúbbsins fer fram undir handleiðslu vel menntaðra PGA golfkennara sem leggja metnað sinn í að kynna allar hliðar golfíþróttarinnar fyrir ungmennum. Mikið er lagt upp úr því að auka færni og hjálpa þeim að mótast sem kylfingar og einstaklingar í heilbrigðu umhverfi.
Vel er tekið á móti nýjum iðkendum og er öllum velkomið að koma og prufa æfingar hjá okkur. Við vonumst til að sem flestir finni sig vel í starfinu og hafi gaman af því að stunda golfæfingar í góðra vina hópi.
Kveðja,
Þjálfarar
