Páll Birkir Reynisson er besti púttari Golfklúbbs Reykjavíkur, annað árið í röð. Páll sigraði Jónas Gunnarsson, þann snjalla púttara sem alltaf er í baráttunni, í umspili um sigurinn.
Lið nr. 1 varð nr. 1 og varð 1 höggi á undan liði nr. 4. Þessi tvö lið höfðu nokkra yfirburði yfir önnur lið og börðust um sigurinn svo að segja frá fyrstu umferð.
Sigurliðið, sem sjá má á mynd var þannig skipað: Jónas Kristjánsson, Jón Karlsson, Jón Þór Ólafsson, Arnór Tjörvi Þórsson og klúbbmeistarinn Páll Birkir Reynisson.
Þetta lokakvöld fer í sögubækurnar því hvert metið af öðru leit dagsins ljós eða kvöldsins ef svo má segja. Fyrsta metið setti Bjarki Gunnarsson, fór 9 fyrstu holurnar á einu pútti, sem sagt 9 undir eftir 9 sem ekki hefur gerst áður. Annað metið féll svo er klúbbmeistarinn, Páll Birkir, einpúttaði 12 holur í röð, vel gert.
Þetta átti bara eftir að batna því snillingurinn Hannes Eyvindsson, þrefaldur Íslandsmeistari í golfi, setti upp enn eina flugeldasýninguna, sem hefur einkennt hans golfferil í gegnum tíðina, kom inn á 46 púttum sem er met á púttmótaröðinni, 26 undir pari á 36 holum, ótrúlegt en satt, og lið hans er fyrsta liðið sem skilar skori undir 100 púttum eða 98 pútt sem er enn eitt metið sem féll þetta lokakvöld.
Hannes Eyvindsson
Það verður að segjast eins og er að þetta lokakvöld verður lengi í minnum haft eða allavega fram að næsta lokakvöldi.
Bestu þakkir til Ecco sem er styrktaraðili mótaraðarinnar og ekki síður þakkir til þeirra félaga sem eru með á mótaröðinni og komu færandi hendi með verðlaun þetta árið og má þar nefna Jóhannes Bjarna í Danól sem færði mér kaffi og glös sem dugði alla mótaröðina og lagði svo til tvo vinninga að auki, Geiri frá Stjörnugrís með veglegan matarpakka, Guðmundur Björnsson í Flotun er alltaf traustur. Kjarri í Kólus sér um páskaeggin enn eitt árið.
Einnig þeim fjölmörgu fyrirtækjum sem finnst bara sjálfsagt að styrkja svona félagsskap hjá GR. Má þar nefna Myndform, Laugar Spa, herrafataverslunina Karlmenn og mörg önnur. Átta lið fengu klst í hermi hjá Viggó í Golfklúbbnum. Takk kærlega fyrir það.
Ekki má gleyma að þakka okkar allra besta manni, Atla Þór Þorvaldssyni, sem er mín hægri hönd í þessu öllu saman. Ómar Örn framkvæmdastjóri GR, Dóra Eyland og Harpa Ægis standa vel að baki mér og gera þetta allt framkvæmanlegt. Bestu þakkir fyrir það.
Að lokum óska ég sigurvegurunum til hamingju með árangurinn .
Svo að endingu þakka ég öllum fyrir þátttökuna í vetur og vonandi hafa allir haft einhverja ánægju af. Gangi ykkur vel í golfinu í sumar.
Meðfylgjandi er lokastaðan í ECCO-púttmótaröðinni 2024
Staðan eftir lokaumferð
Bestu kveðjur,
Halldór B. Kristjánsson
898 3795
