Jæja piltar, nú eru fimm umferðir afstaðnar og nú er fjörið að byrja fyrir alvöru. Þeir sem alltaf hafa mætt henda út í næstu umferð sínum slakasta hring og sama gegnir um liðin og þá á staðan oft eftir að breytast verulega. Dæmi eru um að lið og eða einstaklingar hafi bætt sína stöðu all verulega og flogið upp listann með því að losna við lélegan hring.

Jón Sigurðsson (43), fyrrum landsliðsmaður í körfubolta, kom mjög svo peppaður til leiks í gær, enda landsleikur í körfunni framundan, og lék best allra á 51 pútti. Því miður náði þessi eldmóður ekki til íslenska körfuboltalandsliðsins sem tapaði of stórt fyrir Unverjum skömmu síðar.

Skor gærdagsins voru óvenju góð og völlurinn greinilega of léttur fyrir flesta. Það er ljóst að ég verð að hugsa minn gang 

Komin er upp sama sagan og undanfarin ár að lið 1 og 4 berjast um tiltilinn en í einstaklingskeppninni er staðan óljósari þó svo að ungu mennirnir í liði 1 verða að teljast sigurstranglegir. En eins og áður sagði er þetta bara rétt að byrja.

Ég notaði spinningwheel-ið í símanum mínum til að draga út lið vikunnar og upp kom lið nr. 37 en þar sem það er ekki til dró ég aftur og þá kom upp lið 15 sem fær klukkutímann hjá Viggó í Golfklúbbnum, Fossaleyni 6.

Já, það sakar ekki að minna á að láta umsjónarmann vita áður en leikur hefst, hver telur ekki í liðakeppninni, ef fleiri en fjórir mæta til leiks. En allir telja að sjálfsögðu í einstaklingskeppninni.

Annars bara kátur.

Meðfylgjandi er staða liða og einstaklinga eftir 5. umferð.

Bestu kveðjur,
Halldór B. Kristjánsson
898 3795
leturval@litrof.is