Haraldur Franklín og Guðmundur Ágúst á Opna portúgalska meistaramótinu

Haraldur Franklín og Guðmundur Ágúst á Opna portúgalska meistaramótinu

Haraldur Franklín Magnús úr Golfklúbbi Reykjavíkur og Guðmundur Ágúst Kristjánsson úr Golfklúbbi Kópavogs og Garðabæjar eru meðal þátttakenda á Opna portúgalska meistaramótinu sem verður leikið dagana 15.-18. september á Royal Óbidos vellinum í Portúgal.

Opna portúgalska meistaramótið er hluti af Áskorendamótaröð Evrópu, Challenge Tour, sem er næst sterkasta atvinnumótaröð í karlaflokki í Evrópu. Lokakafli mótaraðarinnar er framundan en lokamótið fer fram í byrjun nóvember á Mallorca. Fram að lokamótinu eru sex mót á dagskrá að Opna portúgalska meðtöldu.

Haraldur Franklín er í 88. sæti á stigalistanum og Guðmundur Ágúst í 86. sæti, þeir eru báðir í harðri baráttu um að komast í hóp 45 stigahæstu keppenda á Áskorendamótaröðinni – sem fá keppnisrétt á lokamótinu. Þar verður keppt um 20 sæti á sjálfri Evrópumótaröðinni.

Hér má fylgjast með rástímum, skori og stöðu keppenda í móti helgarinnar

Við sendum góðar kveðjur á strákana í Portúgal!
Golfklúbbur Reykjavíkur

Til baka í yfirlit