Fimmta og síðasta umferð í Innanfélagsmóti 70 ára og eldri verður leikin miðvikudaginn 24. ágúst á 9 holum Korpunnar, Ánni. Keppt er í Stableford punktakeppni og leika allir keppendur af rauðum teigum.

Verðlaun verða veitt fyrir þrjú efstu sætin í punktakeppni karla og kvenna fyrir fimmtu umferð ásamt því að punktahæsti kylfingurinn í karla- og kvennaflokki verður útnefndur sigurvegari fyrir mótaröð sumarsins.

Nándarverðlaun verða einnig veitt þeim sem er næst/ur holu á par 3 holum vallar.

Opnað verður fyrir skráningu kl. 12:00 miðvikudaginn 17. ágúst og fer skráning fram á Golfbox og í golfbúðinni á Korpu. Kylfingar greiða mótsgjald, kr. 1.000 hjá mótsstjóra þegar mætt er til leiks.

Verðlaunaafhending verður haldin í lok dags þar sem einnig verður dregið úr skorkortum ásamt því að stigameistarar eldri kylfinga fyrir sumarið verða krýndir.

Mótsstjóri er Karl Jóhannsson.

Við hvetjum alla kylfinga klúbbsins sem náð hafa 70 ára aldri til að skrá sig til leiks!
Golfklúbbur Reykjavíkur