Innanfélagsmót 70 ára og eldri – fyrsta umferð leikin miðvikudaginn 25. maí

Innanfélagsmót 70 ára og eldri – fyrsta umferð leikin miðvikudaginn 25. maí

Fyrsta umferð í Innanfélagsmóti 70 ára og eldri verður leikin miðvikudaginn 25. maí. Þetta er fyrsta umferð af fimm og verða allar umferðir leiknar 9 holum Korpunnar. Keppt er í Stableford punktakeppni og leika allir keppendur af rauðum teigum.

Punktahæsti kylfingurinn í karla- og kvennaflokki verður útnefndur sigurvegari fyrir mótaröðina. Auk þess verða verðlaun fyrir þrjú efstu sætin í punktakeppni karla og kvenna fyrir hvert mót. Nándarverðlaun verða veitt þeim sem er næst/ur holu á par 3 holum vallar í hverri umferð. 

Skráning fer fram á Golfbox og í golfbúðinni á Korpu, opnað verður fyrir skráningu miðvikudaginn 18. maí kl. 12:00. Kylfingar greiða mótsgjald, kr. 1.000 hjá mótsstjóra þegar mætt er til leiks.

Verðlaunaafhending fyrir hvern leikdag fer fram í lok dags og verða verður einnig dregið úr skorkortum.

Mótsstjóri er Karl Jóhannsson.

Hvetjum alla 70 ára og eldri kylfinga klúbbsins til að skrá sig til leiks!

Golfklúbbur Reykjavíkur

Til baka í yfirlit