Korpubikarinn í samvinnu við Icelandair - síðasta stigamót ársins í mótaröð GSÍ 2022

Korpubikarinn í samvinnu við Icelandair - síðasta stigamót ársins í mótaröð GSÍ 2022

Korpubikarinn, í samvinnu við Icelandair, fer fram á Korpúlfsstaðavelli dagana 19.-21. ágúst 2022. Mótið er jafnframt lokamótið á stigamótaröð GSÍ. Keppniformið er höggleikur í flokki karla og kvenna, 54 holur leiknar, 18 holur á föstudegi, 18 holur á laugardegi og 18 holur á sunnudegi.

Leikfyrirkomulag
Mótahald fer fram á Korpúlfsstaðavelli. Höggleikur í flokki karla og kvenna, 54 holur leiknar, 18 holur á föstudegi, 18 holur á laugardegi og 18 holur á sunnudegi. Keppt skal samkvæmt gildandi reglugerð um stigamót karla og kvenna og móta- og keppendareglum GSÍ. Keppt er eftir staðarreglum GSÍ ásamt viðbótarstaðarreglum Korpunnar.

Rástímar og ráshópar
Rástímar verða birtir á golf.is eftir kl. 16:00 á miðvikudeginum fyrir mót. Á fyrsta keppnisdegi ákveður mótsstjórn röðun í ráshópa en síðan verður raðað út eftir skori. Ræst verður út alla dagana frá kl. 8:00

Þátttökuréttur
Hámarksfjöldi kylfinga í mótið er 70. Þátttökurétt hafa bæði áhugamenn og atvinnumenn. Í karlaflokki er hámarksforgjöf 5,5 og í kvennaflokki 8,5 og skulu keppendur vera meðlimir í viðurkenndum golfklúbbi. Þátttökurétt hafa 25 efstu karlar- og konur af stigalista GSÍ, umfram það er raðað inn eftir forgjöf skv. 6. grein í reglugerð um stigamót. Ef fjöldi skráðra keppenda fer yfir hámarksfjölda ræður forgjöf kl 8:00 morgunin eftir að skráningarfresti lýkur því hverjir komast inn í hvorn flokk. Keppendum skal þó fjölgað þannig að fullir ráshópar verði í hvorum flokki. Standi val á milli keppenda með forgjöf jafnlangt frá forgjafarmörkum skal hlutkesti ráða. Keppendur á biðlista þurfa að vera skráðir til leiks.

Mótsgjald
Karlaflokkur  Hvítir teigar    11.000 kr.
Kvennaflokkur    Bláir teigar  11.000 kr.

Teiggjöf: Morgunmatur verður í boði alla þrjá keppnisdaga frá kl. 06:30 – 11:30.
Innifalið í mótsgjaldi eru veitingar á fyrsta teig og æfingaboltar í Básum alla keppnisdaga.

Skráning og þátttökugjald
Skráning í mótið hefst þriðjudaginn 9. ágúst kl.9:00. Þátttakendur skulu skrá sig í mótið á golf.is fyrir klukkan 23:59 á þriðjudegi fyrir mót. **Engar undantekningar á skráningu verða leyfðar í mótið eftir að skráningu lýkur.** Þátttökugjöld verða ekki endurgreidd ef afboðun kemur eftir að skráningarfresti lýkur. Þeir keppendur sem ekki fá þátttöku í mótið fá endurgreitt að móti loknu.

Skráningarhlekk má finna hér

Æfingahringur
Einn æfingahringur án endurgjalds er heimilaður. Vinsamlegast hafið samband við Golfklúbb Reykjavíkur á netfangið harpa@grgolf.is til að panta rástíma. Reglur um æfingahringi er að finna í klúbbhúsinu. Skilyrði fyrir æfingahring er að búið sé að greiða þátttökugjald. Keppendur fá æfingabolta fyrir hring án endurgjalds á mótsdögum.

Verðlaun
Veitt verða verðlaun fyrir 1. - 3. sæti í flokki karla og kvenna.

Ef keppendur eru jafnir í fyrsta sæti þá verður leikinn bráðabani en að öðru leyti gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt milli þeirra keppenda.

Gert er ráð fyrir að verðlaunaafhending hefjist 20 mínútum eftir að síðasti ráshópur lýkur leik. Veitt verða verðlaun fyrir Korpubikarinn ásamt stigameisturum GSÍ.

Mótsstjóri: Ómar Örn Friðriksson 660-2770

Mótsstjórn: Ómar Örn Friðriksson, Harpa Ægisdóttir, Dóra Eyland, Atli Þorvaldsson og Davíð B. Sigurðsson.

Úrdráttur:
Skor er fært inn rafrænt af leikmönnum og skulu kylfingar koma inn að loknum hring í skorherbergi og staðfesta skor. Ræst er af fyrsta teig eingöngu.  

Skjöl sem tengjast mótinu:

Leikhraðareglur
Hegðunarreglur
Keppnisskilmálar og staðarreglur
Móta og keppendareglur
Reglugerð

 

ATH! Mótalýsing er birt með fyrirvara um breytingar

Til baka í yfirlit