Opnunarmót Grafarholts fór fram í dag í frábæru veðri, þó vindurinn hafi aðeins látið vita af sér þá var sól og hátt í 20 stiga hiti. Golfsumarið byrjar vel með brakandi blíðu síðustu daga. Fjöldi kylfinga lagði leið sína á völlinn og var mikil og skemmtileg stemning allan daginn. Ræst var út frá 8:00-15:00 og tóku tæplega 180 kylfingar þátt. Besta skor dagsins átti Kjartan Sigurjón Kjartansson, spilaði hann á 76 höggum.
Það er alltaf tilhlökkun og skemmtileg tilfinning að hefja golfsumarið á Opnunarmótum, hitta félaga og finna spennuna sem fylgir opnun fallegu vallanna okkar. Grafarholtið og Korpan eru formlega opin, tilbúin í slaginn með okkur og við hlökkum til að sjá ykkur á teig á næstu vikum. Við hvetjum alla félagsmenn okkar til að njóta útiverunnar, hreyfingarinnar og samverunnar sem golfíþróttin býður upp á – höfum gaman saman!
Úrslit í Opnunarmóti Grafarholts 2025 urðu þessi:
Forgjöf 0-14
- Hjörtur Ingþórsson 38 punktar
- Kristján Daníelsson 37 punktar (betri síðustu 6)
- Sigurjón Árni Ólafsson 37 punktar
Forgjöf 14,1 og hærra
- Jón Stefán Hallgrímsson 40 punktar (betri seinni 9)
- Gunnar Freyr Þorsteinsson 40 punktar
- Erlendur Snær Ársælsson 39 punktar
Besta skor: Kjartan Sigurjón Kjartansson 76 högg
Nándarverðlaun:
- 2. braut: Birkir Eyþórsson 530 cm
- 6. braut: Jón Kristbjörn Jónsson 283 cm
- 11. braut: Guðrún Ýr Birgisdóttir 313 cm
- 17. braut: Helga Friðriksdóttir 212 cm
Við þökkum keppendum öllum fyrir þátttökuna í dag og óskum vinningshöfum til hamingju með árangurinn sinn. Haft verður samband við vinningshafa.
