Heimsmeistaramót stúlknaliða í golfi fer nú fram í Kanada og er Ísland á meðal þeirra þjóða sem leika á því móti.

Lið Íslands er skipað þeim Auði Bergrúnu Snorradóttir, Evu Kristinsdóttir og Perlu Sól Sigurbrandsdóttir. Ólafur Björn Loftsson, afreksstjóri GSÍ, er með liðinu sem þjálfari og Baldur Gunnarsson er sjúkraþjálfari liðsins.

Þetta er í níunda sinn sem þetta mót fer fram og í annað sinn sem Ísland fær boð um þátttöku. Í fyrra endaði Ísland í 20. sæti og voru það þær Helga Signý Pálsdóttir, Pamela Ósk Hjaltadóttir og Perla Sól Sigurbrandsdóttir sem skipuðu lið Íslands á því móti.

Keppnisfyrirkomulagið er höggleikur þar sem leiknar verða 72 holur, 18 holur á dag. Tvö bestu skorin í hverri umferð telja í liðakeppninni – en einnig er keppt í einstaklingskeppni.

Sigurvegarinn í einstaklingskeppninni fær boð um að taka þátt á LPGA atvinnumóti sem fram fer í Kanada.

Smelltu hér fyrir stöðuna í liðakeppninni:

Smelltu hér fyrir stöðuna í einstaklingskeppninni:

Þjóðirnar sem taka þátt eru:

Belgía
Kanada 1
Kanada 2
Taívan
England
Finnland
Perú
Svíþjóð
Danmörk
Þýskaland
Ísland
Írland
Mexíkó
Suður-Kórea
Spánn
Sviss
Kólumbía
Tékkland
Frakkland
Hong Kong
Ítalía
Marokkó
Pólland
Bandaríkin