Karl Jóhannsson sá um golfmótaröð fyrir eldri kylfinga 70 ára og eldri.  Að venju verður mótaröðin vinsæla þar sem leiknar eru 9 holur á Korpu í hvert sinn og mun mótaröðin heita Kalla Jó mótaröðin. Opnað hefur verið fyrir skráningu í fyrsta mót sumarsins. Í sumar verða mótin 6 talsins og öll á föstudögum, nema eitt sem verður á fimmtudegi (14. ágúst).

Mótin eru fyrir 70 ára og eldri kylfinga sem eru meðlimir í Golfklúbbi Reykjavíkur. Veitt verða verðlaun eftir hvert mót og að auki verður safnmót þar sem árangur úr þremur bestu mótunum hjá hverjum kylfingi gildir til árangurs. Keppt er í höggleik án forgjafar og punktakeppni með forgjöf bæði í karla- og kvennaflokki. Hámarks leikforgjöf í þessu mótum verður 36 sem þýðir hámarksforgjöf í hverju 9 holu móti er 18 högg.

Leikdagar í mótaröðinni eru eftirfarandi:

Mót 1   Föstudaginn 23. maí                 Áin

Mót 2   Föstudaginn 13. júní                 Áin

Mót 3   Föstudaginn   4. júlí                  Landið

Mót 4   Föstudaginn   25. júlí                Áin

Mót 5   Fimmtudaginn 14. ágúst          Áin

Mót 6   Föstudaginn   12. sept.              Áin

Við hvetjum okkar eldri kylfinga til að eiga skemmtilega, gefandi og nærandi stund saman á golfvellinum. Góða skemmtun!