Meistaramót Golfklúbbs Reykjavíkur 2022 fer fram dagana 3. – 9. júlí næstkomandi. Keppni fer fram á Grafarholtsvelli og á Korpúlfsstaðarvelli, Sjórinn/Áin, líkt og undanfarin ár. Sunnudaginn 3. júlí til þriðjudagsins 5. júlí leika allir barna- og unglingaflokkar, 70 ára og eldri karlar, 50 ára og eldri karlar í forgjafarflokkum 10,5-20,4 og 20,5-54. 70 ára og eldri konur, 50 ára og eldri konur í forgjafarflokkum 16,5-26,4 og 26,5-54. Þá leika einnig 3. og 4. flokkur karla og kvenna og 5. flokkur karla. Þessir flokkar leika þriggja daga mót eða 54 holur.
Miðvikudaginn 6. júlí til laugardagsins 9. júlí leika karlar 50 ára og eldri í forgjafarflokk 0-10,4 og konur 50 ára og eldri í forgjafarflokk 0-16,4, 2.flokkur karla og kvenna, 1.flokkur karla og kvenna og Meistaraflokkur karla og kvenna. Þessir flokkar leika fjögurra daga mót eða 72 holur.
Keppendur 18 ára og yngri leika í sínum aldursflokki nema að þeir hafi meistaraflokksforgjöf þá er þeim heimilt að leika í Meistaraflokki.
Í meistaramótsviku verður keppendum boðið upp 50 bolta fötu í Básum til upphitunar alla mótsdaga og hvetjum við alla til að nýta sér það.
Skráning í mótið hefst miðvikudaginn 22. júní kl. 13:00 og fer fram í mótaskrá á Golfbox. Skráningu lýkur fimmtudaginn 30. júní kl.12:00 – greiða þarf mótsgjald við skráningu. Innifalið í mótsgjaldi eru veitingar og skemmtun í lokahófi á laugardagskvöldi.
Athugið! Hámarksfjöldi í hvern flokk er 90 manns, ef full skráning verður ekki í alla flokka er hægt að fjölga í öðrum flokkum. Raðað er inn í flokka eftir skráningartíma.
Mótsgjöld:
4ra daga mót, 72 holur = 10.900 kr.
3ja daga mót, 54 holur = 9.900 kr.
Börn og unglingar
10 ára og yngri = 3.900 kr.
11 ára og eldri = 7.600 kr.
Allar upplýsingar um Meistaramót er að finna hér á vefsíðunni undir „Félagsstarf – Meistaramót“
Skipting flokka verður sem hér segir:
Karlar
| Meistaraflokkur karla | 0-4,4 |
| 1. flokkur karla | 4,5-10,4 |
| 2. flokkur karla | 10,5-15,4 |
| 3. flokkur karla | 15,5-20,4 |
| 4. flokkur karla | 20,5-27,4 |
| 5. flokkur karla | 27,5-54 |
| Karlar 50 ára og eldri | 0-10,4 |
| Karlar 50 ára og eldri | 10,5-20,4 |
| Karlar 50 ára og eldri | 20,5-54 |
| Karlar 70+ | 0-15,4 |
| Karlar 70+ | 15,5-54 |
Konur
| Meistaraflokkur kvenna | 0-10,4 |
| 1. flokkur kvenna | 10,5-17,4 |
| 2. flokkur kvenna | 17,5-24,4 |
| 3. flokkur kvenna | 24,5-31,4 |
| 4. flokkur kvenna | 31,5-54 |
| Konur 50 ára og eldri | 0-16,4 |
| Konur 50 ára og eldri | 16,5-26,4 |
| Konur 50 ára og eldri | 26,5-54 |
| Konur 70+ | 0-20,4 |
| Konur 70+ | 20,5-54 |
Börn og unglingar
| 10 ára og yngri hnokkar | |
| 10 ára og yngri hnátur | |
| 11-14 ára telpur | 24-54 |
| 11-14 ára drengir | 24-54 |
| 11-14 ára telpur | 0-23,9 |
| 11-14 ára drengir | 0-23,9 |
| 15-18 ára stelpur | |
| 15-18 ára strákar |
Reglubók Golfklúbbs Reykjavíkur – Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.
