Meistaramót GR 2023 hefst á sunnudag og hafa rástímar sunnudagsins verið sendir á keppendur og birtir í mótaskrá á Golfbox,  ræst verður út frá kl. 08:00 á báðum völlum, Grafarholtsvelli og Korpúlfsstaðavelli.

Í Grafarholti hefja leik: 5. flokkur karla, hærri forgjafaraflokkar 50 ára og eldri, 65 ára og eldri konur og 70 ára og eldri karlar. Rástíma þessara flokka er að finna í Golfbox undir mótinu „Meistaramót GR 2023 – 3 dagar Holtið-Korpa-Korpa“

Á Korpu hefja leik allir barna- og unglingaflokkar, 3.fl. karla og kvenna og 4.fl. karla og kvenna. Rástíma fyrir þessa flokka er að finna í Golfbox undir „Meistaramót GR 2023 – 3 dagar Korpa-Holtið-Holtið + Landið“ – 10 ára og yngri barnaflokkar leika 9 holur á Landinu alla keppnisdaga.

Upplýsingar um skor og stöðu í mótinu verður hægt að sjá inni mótum á Golfbox.

KH Klúbbhús mun opna veitingasölu í klúbbhúsum félagsins hálftíma fyrir fyrsta rástíma.

Golfæfingasvæði Bása verður opið frá kl. 06-22 sunnudag til föstudags og verður boðið upp á fría upphitunarbolta fyrir keppendur alla mótsdaga.

Allar helstu upplýsingar er hægt að finna hér á vefnum undir Golf – Meistaramót

Góða skemmtun og gangi ykkur vel!
Golfklúbbur Reykjavíkur