Mercedes-Benz bikarinn 2025

Holukeppni GR sem hefur verið í samstafi við Öskju og nefnist Mercedes-Benz bikarinn er að fara af stað enn og aftur. Skráning hefst í mótið 28. maí kl. 8:00.

Sú breyting verður í ár að í stað þess að keppendur mæli sér mót og spili leiki þá verða fyrirfram ákveðnir leikdagar. Fyrsta umferðin verður leikin fimmtudaginn 5. júní, þar sem við kynnum keppnina með Mercedes-Benz og Öskju. Allir keppendur fá teiggjöf og í þessari fyrstu umferð verður ræst út frá kl. 14:00 – 18:39 og rástímar á 9 mínútna fresti.

Tveir leikir fara fram í sama holli og sigurvegarar leikjanna munu mætast í næstu umferð, en þeir sem tapa sínum leikjum detta út úr keppninni. Umferð 2 verður leikinn sunnudaginn 15. júní.

Til mikils er að vinna en sá sem sigrar í keppninni í ár fær frítt ársgjald á næsta ári og að auki afnot af Mercedes-Benz biðreið í viku. Keppandinn í öðru sæti fær 50% afslátt af ársgjaldi GR næsta ár.

Holukeppnin er fyrir alla meðlimi GR 19 ára og eldri en hámarksforgjöf er 36 í vallarforgjöf en leikið er með forgjöf.

Keppt er með forgjöf og fær keppandinn með hærri forgjöfina mismuninn sem raðast á holur vallarins eftir forgjafarröð skv. skorkorti.

Leikdagar eru eftirfarandi mað áætluðum rástímum:

Umferð 1:         5. júní Korpa Áin/Landið, fimmtudagur tími 14:00 – 18:50

Umferð 2:         15. júní Korpa Sjórinn/Áin, sunnudagur, tími 16:00 – 18:15

Umferð 3:         25. júní Korpa Sjórinn/Landið, miðvikudagur,m tími 18:00 – 19:10

Umferð 4:         15. júlí Korpa Sjórinn/Áin, þriðjudagur, tími 16:00 – 18:15

Umferð 5:         14. ágúst Korpa Sjórinn/Landið,fimmtudagur 16:00 – 13:30

Umferð 6:         21. ágúst Korpa Áin/Landið, fimmtudagur – rástímar verða í samráði við keppendur í lokaumferðum

Umferð 7:         28. ágúst Korpa Sjórinn/Áin, fimmtudagur – rástímar verða í samráði við keppendur í lokaumferðum