Tólf íslenskir kylfingar tóku í liðakeppni fyrir eldri kylfinga sem fram fór á Spáni. Leikið var á Saurines – og Alhama völlunum sem eru rétt borgirnar Murcia og Cartagena á Spáni.

Þrjú bestu skorin á hverjum hring töldu hjá hverju liði í höggleiknum. 12 lið tóku þátt, þrjú frá Íslandi, sex frá Svíþjóð, tvö frá Finnlandi og eitt frá Noregi.

Jón Karlsson, Hjalti Pálmason, Tryggvi Traustason og Sigurbjörn Þorgeirsson lönduðu sigri en þeir voru efstir eftir höggleikskeppnina, léku samtals á 22 höggum yfir pari. Þeir stóðu síðan uppi sem sigurvegarar eftir að hafa sigraði sænskt lið 2,5 / 0,5 og léku því til úrslita gegn Noregi um sigurinn. Þar hafði Ísland betur 2-1 og fagnaði því sigri en þetta er í fyrsta sinn sem slíkt mót fer fram.

Guðmundur Sigurjónsson, Ragnar Ragnarsson, Halldór Birgisson og Einar Long voru saman í liði og enduðu þeir í 11. sæti eftir höggleikinn á +62 samtals

Halldór Ingólfsson, Gauti Grétarsson, Ásgeir Jón Guðbjartsson og Gunnar Páll Þórisson voru saman í liði og enduðu þeir í 12. sæti eftir höggleikinn á +77 samtals.

Eftir höggleikinn var liðunum skipt upp í þrjá riðla þar sem að leikinn er holukeppni.

Ísland 2 og 3 leika um 9.-10. sæti en Ísland 2 sigraði finnskt lið 3/0 og Ísland 2 sigraði sænskt lið 2/1.

Lokastöðu í höggleiknum má sjá hér

Við óskum þeim Jóni, Hjalta, Tryggva og Sigurbirni til hamingju með sigurinn!
Golfklúbbur Reykjavíkur