Yfir 190 manns tóku þátt í Opna FootJoy 2025, sem leikið var á Grafarholtsvelli í dag, frídag verslunarmanna. Veðrið lék við kylfinga í dag, eftir frekar hvassa og blauta Verslunarmannahelgi á sunnanverðu landinu hið minnsta. Ræst var út frá kl.8 til 15. Allir keppendur fengu glæsilega teiggjöf, WeatherSof golfhanska. Hjalti Pálmason úr Golfklúbbi Mosfellsbæjar kom inn á besta skori í karlaflokki, 66 höggum og Anna Sólveig Snorradóttir úr Golfklúbbnum Keili var á besta skori í kvennaflokki, 70 höggum.
Öll úrslit úr mótinu má sjá í mótskrá á Golfbox en helstu úrslit urðu þessi:
Punktakeppni karla:
- Valtýr Guðbrandsson 40 punktar
- Karl Arnar Bjarnason 39 punktar (betri seinni 9)
- Jóhannes Unnar Barkarson 39 punktar (betri síðustu 3)
Punktakeppni kvenna
- Anna Elísabet Sæmundsdóttir 37 punktar
- Bjargey Aðalsteinsdóttir 36 punktar (betri seinni 9)
- Rakel Þorsteinsdóttir 36 punktar
Besta skor kk. Hjalti Pálmason 66 högg
Besta skor kvk. Anna Sólveig Snorradóttir 70 högg
Nándarverðlaun: verða birt þriðjudaginn 5. ágúst
2.braut – Hjalti Kristján Hjaltason 222 cm.
6.braut – Páll Reynisson 161 cm.
11.braut – Eiður Ísak Broddason 113 cm.
17.braut – Jóhannes Unnar Barkarson 83 cm.
Lengsta drive 3.braut kk. – Ragnar Olsen
Lengsta drive 3.braut kvk. – Anna Sólveig Snorradóttir
Við þökkum keppendum kærlega fyrir daginn og óskum vinningshöfum til hamingju með sinn árangur í mótinu. Hægt verður að nálgast vinninga á skrifstofu klúbbsins frá og með miðvikudeginum 6. ágúst.
Golfklúbbur Reykjavíkur í samvinnu við ÓJK-ÍSAM ehf. og FJ
