Bingó eldri kylfinga heldur áfram fram á vorið og er næsti viðburður á dagkskrá föstudaginn 17. mars næstkomandi. Að venju hefst morguninn á efri hæð Korpu með pútti svo farið í kaffi á neðri hæðinni og bingó keyrt af stað í framhaldinu.

Bingó er liður í vetrarstarfi sem eldri kylfingar klúbbsins standa fyrir og hvetjum við alla félagsmenn sem náð hafa 60 ára aldri til að mæta og gera sér glaðan dag í góðum félagsskap.

Karl Jóhannsson stýrir ferðinni en ásamt honum hafa þeir Kristján, Axel, Björn og Jónas umsjón með bingó viðburðum. Það eru ávallt flottir vinningar í boði og vel mætt á þennan viðburð sem að venju er haldinn mánaðarlega yfir vetrartímann. Í lokin er dregið úr bingóspjöldum og geta því allir átt von á vinning!

Þátttökugjald er kr. 500 og er dagskrá föstudagsins þessi:

Kl. 09:30 – Pútt
Kl. 10:00 – Kaffi
Kl. 10:30 – Bingó

Dagsetningar á bingó vormánuða má sjá hér

Hlökkum til að sjá ykkur öll!