Meistararmót: Lokahóf haldið á laugardag – húsið opnar kl. 18:00

Meistararmót: Lokahóf haldið á laugardag – húsið opnar kl. 18:00

Lokahóf & verðlaunaafhending Meistaramóts GR 2022 verður haldið á 2. hæð Korpunnar laugardagskvöldið 9. júlí. Allir þátttakendur í mótinu fá afhentan aðgöngumiða í lokahóf á síðasta keppnisdegi sem framvísa þarf hjá starfsfólki í veitingasölu þegar mætt er á laugardag.

Salurinn opnar kl. 18:00 og verður boðið upp á veitingar að hætti KH Klúbbhús, taka skal tillit til þess að salurinn verður tvísetinn og því ekki úr vegi að mæta snemma og fylgjast með keppendum í meistaraflokk ljúka leik, live-skor verður birt á skjá á báðum hæðum hússins. Á meðan beðið er eftir að keppendur ljúki leik ætlar Gunnar á Völlum að hafa ofan af fyrir matargestum.

Verðlaunaafhending er áætluð um kl. 21:00. Þegar klúbbmeistarar GR 2022 hafa verið krýndir mun DJ slá taktinn og halda stemmningunni frameftir kvöldi á Korpuloftinu..

Fyrir þá sem ekki taka þátt í mótinu en vilja mæta í Lokahóf –  borða og gleðjast með okkur á laugardag þá er hægt að kaupa miða í veitingasölu Korpu og er verðið kr. 5.400. 

Nokkur atriði:

  • 20 ára aldurstakmark er á svæðið
  • Ekki þarf að skrá sig sérstaklega í Lokahóf
  • Mikilvægt er að muna eftir aðgangsmiða


Hlökkum til að gleðjast með ykkur á laugardag!
Golfklúbbur Reykjavíkur

Til baka í yfirlit