Meistaramót GR 2024 hefst á sunnudag og hafa rástímar sunnudagsins verið sendir á keppendur og birtir í mótaskrá á Golfbox,  ræst verður út frá kl. 07:30 á báðum völlum í þriggja daga keppni, Grafarholti og Korpu.

Í Grafarholti hefja leik: 3., 4. og 5. flokkur karla, 50-64 ára karlar í forgjafaflokk 20,5-54, 3. og 4. flokkur kvenna ásamt öllum barna- og unglingaflokkum. Þessir flokkar leika tvo hringi í Grafarholti og einn á Korpu og er rástíma að finna í Golfbox undir mótinu „Meistaramót GR 2024 – 3 dagar Holtið-Holtið-Korpa“

Á Korpu hefja leik 50-64 ára karlar í forgjafaflokk 10,5-20,4 og allir flokkar karla 65 ára og eldri ásamt öllum flokkum kvenna 50 ára og eldri, með forgjöf 16,5 og hærra. Þessir flokkar leika tvo hringi á Korpu og einn í Grafarholti og er rástíma að finna í Golfbox undir mótinu „Meistaramót GR 2024 – 3 dagar Korpa-Korpa-Holtið”

Upplýsingar um skor og stöðu í mótinu verður hægt að sjá inni í mótunum á Golfbox.

KH Klúbbhús býður upp á frábær tilboð á mat og drykk í Meistarmótsviku og mun veitingasala opna klukkutíma fyrir fyrsta rástíma alla mótsdaga.

Golfæfingasvæði Bása verður opið frá kl. 06-22 sunnudag til föstudags og verður boðið upp á fría upphitunarbolta fyrir keppendur alla mótsdaga.

Rástímar fyrir fjögurra daga keppni sem hefst á miðvikudag verða sendir út á mánudag.

Allar helstu upplýsingar er hægt að finna hér á vefnum undir Golf – Meistaramót

Góða skemmtun og gangi ykkur vel!
Golfklúbbur Reykjavíkur