Laugardaginn 18. maí opnar Grafarholtsvöllur fyrir golfsumarið 2024 og hefst eins og venja er með Opnunarmóti Grafarholts. Leikfyrirkomulag mótsins er punktakeppni. Hæst er gefin forgjöf 24 hjá körlum og 28 hjá konum. Leikið er í tveimur flokkum 0-14 og 14,1 og hærra.

Veitt verða verðlaun fyrir 3 efstu sætin í hverjum flokki. Nándarverðlaun verða veitt á öllum par 3 holum vallarins og að auki verða veitt verðlaun fyrir besta skor.

Skráning í Opnunarmót Grafarholts hefst á þriðjudaginn 14. maí kl. 13:00 og fer fram í gegnum Golfbox, greiða þarf við skráningu. Við vekjum athygli á því að eingöngu er hægt að skrá sig í mót gegnum Golfbox.

ATH! Opnunarmót eru eingöngu ætluð félagsmönnum GR.

Almenn rástímaskráning í Grafarholt hefst á miðvikudag
Opnað verður fyrir almenna rástímaskráningu í Grafarholt kl. 10:00 miðvikudaginn 15. maí og er þar með búið að opna fyrir skráningu á öllum völlum félagsins fyrir golfsumarið 2024.

Veitingasala Klúbbhús í Grafarholti mun einnig opna laugardaginn 18. maí og verður opin frá kl. 7:30 alla daga eins venja hefur verið.

Tilkynningar vegna umferðar golfbíla á vellinum verður kynnt þegar nær dregur opnun.

Skráning í mótið
Skráning í mótið fer fram í gegnum mótaskrá Golfbox, til þess að skrá meðspilara er hægt að nota aðildanúmer eða kennitölu viðkomandi.

Verðlaun í Opnunarmóti Grafarholts:
Forgjöf 0 – 14
1. sæti: GR merkt 90 ára Footjoy peysa og bolur
2.sæti:  GR merkt 90 ára Footjoy peysa
3.sæti:  GR merktur 90 ára Footjoy bolur

Forgjöf 14,1 – og hærra
1.sæti: GR merkt 90 ára Footjoy peysa og bolur
2.sæti: GR merkt 90 ára Footjoy peysa
3.sæti: GR merktur 90 ára Footjoy bolur

Besta skor: GR merkt 90 ára Footjoy peysa og bolur

Nándarverðlaun á öllum par 3 holum vallarins: Gullkort á æfingasvæði Bása.

Reglubók Golfklúbbs Reykjavíkur – Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.  Mótsstjóri er Dóra Eyland, dora@grgolf.is