Laugardaginn 11. maí mun Korpúlfsstaðavöllur opna með formlegum hætti og fer opnun fram, eins og venja er, með Opnunarmóti Korpu. Leikfyrirkomulag mótsins er punktakeppni og verða lykkjur mótsins Sjórinn/Áin. Hæst er gefin forgjöf 24 hjá körlum og 28 hjá konum. Leikið er í tveimur flokkum 0-14 og 14,1 og hærra.

ATH! Opnunarmót eru eingöngu ætluð félagsmönnum GR.

Veitt verða verðlaun fyrir 3 efstu sætin í hverjum flokki. Nándarverðlaun verða veitt á öllum par 3 holum vallarins og að auki verða veitt verðlaun fyrir besta skor.

Skráning í Opnunarmót Korpu hefst á þriðjudaginn 7. maí kl. 13:00
Skráning í mótið fer fram í gegnum mótaskrá Golfbox, til þess að skrá meðspilara er hægt að nota aðildanúmer eða kennitölu viðkomandi.

Við vekjum athygli á því að golfverslanir hafa ekki opnað fyrir komandi tímabil og er því eingöngu hægt að skrá sig í gegnum vefinn.

Almenn rástímaskráning hefst á miðvikudag
Opnað verður fyrir almenna rástímaskráningu fyrir Korpu kl. 10:00 miðvikudaginn 8. maí og geta félagsmenn skráð sig til leiks á Landið samhliða mótahaldi. Við bendum félagsmönnum okkar á að fara yfir aðgangsupplýsingar sínar á Golfbox fyrir komandi sumar.

Veitingasala Klúbbhús mun einnig opna laugardaginn 11. maí á Korpu og verður opin frá kl.7:30 alla daga eins venja hefur verið.

Tilkynningar vegna umferðar golfbíla á vellinum verður kynnt þegar nær dregur opnun.

Verðlaun í Opnunarmóti Korpu:
Forgjöf 0 – 14
1. sæti: GR merkt 90 ára Footjoy peysa og bolur
2.sæti:  GR merkt 90 ára Footjoy peysa
3.sæti:  GR merktur 90 ára Footjoy bolur

Forgjöf 14,1 – og hærra
1.sæti: GR merkt 90 ára Footjoy peysa og bolur
2.sæti: GR merkt 90 ára Footjoy peysa
3.sæti: GR merktur 90 ára Footjoy bolur

Besta skor:
1. sæti: GR merkt 90 ára Footjoy peysa og bolur

Nándarverðlaun á öllum par 3 holum vallarins: Gullkort á æfingasvæði Bása.

Reglubók Golfklúbbs Reykjavíkur – Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.  Mótsstjóri er Harpa Ægisdóttir, harpa@grgolf.is