Bændaglíma GR 2023 verður leikin laugardaginn 23. september á Grafarholtsvelli. Ræst verður út af öllum teigum kl. 12:00 og verður þema dagsins Barbie & Ken.
Tekið verður á móti þátttakendum með léttum veitingum. Keppendur lenda í pyluspartýi út á velli og munu vallarstarfsmenn sjá um að keyra veigar í fljótandi og föstu formi um völlinn og halda stemmningunni gangandi á meðan liðin kljást við þær þrautir sem lagðar verða fyrir.
Bændur að þessu sinni verða hjónin Þórunn Einarsdóttir og Hjörtur Ingþórsson og munu keppendur skiptast í lið þeirra Barbie & Ken – Þórunn ætlar að leiða hópinn „Barbie“ og Hjörtur mun leiða „Ken“.
Mótsgjald er kr. 7.900 á mann og greiðist hjá veitingasala þegar mætt er til leiks. Mæting í klúbbhús kl. 11:00 og ræst út af öllum teigum samtímis kl. 12:00.
Skráning í Bændaglímu hefst miðvikudaginn 13. september kl. 13:00 og fer fram í mótaskrá á Golfbox: athugið að lið geta valið teig og skráð sig saman, einstaklingar sem skrá sig til leiks verður raðað saman í lið og á teiga.
Að leik loknum verður blásið til borðhalds þar sem liðin bera saman bækur sínar í Grafarholtsskála og verðlaunaafhending fer fram.
Matseðill kvöldsins hjá Mjöll og Gumma verður þessi:
- Heilsteiktar nautalundir með koníakspiparsósu
- Kaffi og úrval af sætum bitum í eftirrétt
Leikfyrirkomulag mótsins er Texas scramble höggleikur með forgjöf, fjórir leikmenn saman í liði. Forgjöf liðs er samanlögð vallarforgjöf leikmanna deilt með 10. Hámarksforgjöf sem gefin er til hvers leikmanns er 36. Til að gera leikinn ennþá skemmtilegri verður eftirfarandi regla í gildi: Skylt verður að velja að minnsta kosti tvö teighögg frá hverjum liðsmanni. Annað hinna völdu teighögga verður að vera á par 3 holu.
Veitt verða verðlaun fyrir þrjú efstu sætin í liðakeppni og nándarverðlaun þeim leikmanni sem næstur er holu eftir upphafshögg á öllum par 3 holum vallarins.
Félagsmenn mega eiga von á skemmtilegu kvöldi í góðum félagsskap á þessu lokakvöldi tímabilsins.
Við minnum á að aldurstakmark til þátttöku í Bændaglímu er 20 ár.
Hlökkum til að sjá ykkur!
Golfklúbbur Reykjavíkur
